Natagpuang wala nang buhay ang premyadong direktor na si Francis Xavier Pasion kahapon.
Ayon sa producer na si Joji Alonso, natagpuan ng kanyang mga magulang ang katawan ni Pasion sa loob ng palikuran ng kanilang tahanan sa Quezon City.
Kilala si Pasion sa kanyang mga obra kabilang na ang teleseryeng On the Wings of Love, Dyesebel at My Binondo Girl ng ABS-CBN.
Kinilala rin ang husay ni Pasion sa paggawa ng ilang indie films tulad ng ‘Bwaya’ na nanalo sa Cinemalaya gayundin ang pelikulang Jay na umani rin ng parangal mula sa Venice, Busan at Berlin Film Festival.
Kasalukuyan nang iniimbestigahan ng Scene of the Crime Operatives o SOCO ang sanhi ng pagkasawi ni Pasion.
By Jaymark Dagala
Photo Credit: filmfestivals.com