Inilampaso ng Hong Kong Eastern Lions ang Alab Pilipinas sa kanilang pagtutuos sa nagpapatuloy na ASEAN Basketball League.
Wagi ang koponan ng Hong Kong sa iskor na 100-87.
Malaking bentahe sa koponan ang home court advantage makaraang gawin ang liga sa Southorn Stadium sa Wan Chai.
Nanguna sa panalo ng Hong Kong si Ki Lee na nagpaulan ng anim na tres na naging susi sa maaga nilang kalamangan.
Sinikan ni Alab Pilipinas player Bobby Ray Parks na makuha ang second half ng laro ngunit mistulang wala itong nakuhang suporta mula sa kanyang mga kasama.
By Ralph Obina
Photo Credit: aseanbasketballleague.com