Kinumpirma ni AFP o Armed Forces of the Philippines Chief of Staff General Eduardo Año na ang mga baril na ipinagkaloob ng China ang ginamit ng militar sa kanilang pakikipagbakbakan sa Marawi City.
Gayunman, tumanggi si Año na kumpirmahin ang naging pahayag ni Pangulong Rodrigo Duterte na gawang China nga ang baril na nakapatay kay ISIS Emir Isnilon Hapilon.
Tumanggi rin si Año na sabihin kung sinong sundalo ang siyang nakapatay kay Hapilon dahil sa isa aniya itong A-1 o confidential information.
Magugunitang nagbigay ang China nitong Hunyo at Setyembre ng halos anim na libong rifles sa Pilipinas kung saan, karamihan dito ay napunta sa pambansang pulisya.
