Kumita ang teroristang grupong Abu Sayyaf Group ng higit sa 300 Milyong Piso mula sa pangingidnap sa unang kalahati ng taon.
Ayon sa Associated Press (AP), batay ang nasabing impormasyon sa threat assessment report ng militar at pulisya.
Batay rin sa nasabing ulat, kaya pa rin ng Abu Sayyaf Group na maglunsad ng mga pagsalakay kahit pa nalagasan ito ng mga tauhan.
Dahil, anito, sa mataas na kita mula sa mga kidnapping for ransom ng mga dayuhan, nakabili ang mga bandido ng mga armas at bala.
Magugunitang tumanggap umano ng 20 Milyong Pisong ransom ang Abu Sayyaf para sa kalayaan ng Pilipinang si Marites Flor.
Ngunit itinanggi ng mga opisyal na may alam sila sa nasabing ransom dahil pinaninindigan umano ng pamahalaan ang no ransom policy.
By: Avee Devierte