17 na ang sugatan sa panibagong pagsabog sa bayan ng Isulan, Sultan Kudarat, kahapon.
Ayon sa Sultan Kudarat Provincial Police, dakong alas tres y medya ng hapon nang sumabog ang isang improvised explosive device malapit sa Carlitos Place Eatery sa national highway sa Barangay Kalawag 2.
Inaalam na kung sino o anong grupo ang nagtanim ng bomba at motibo ng mga ito.
Agosto 28 nang yanigin din ng pagsabog ang naturang bayan kung saan tatlo ang nasawi habang 25 suspek ang naaresto na karamiha’y miyembro ng Bangsamoro Islamic Freedom Fighters (BIFF).
May ulat mula kay Jaymark Dagala (Patrol 9) at Net Ortiz (Provincial Correspondent)
TO BE UPDATED PLEASE REFRESH THE PAGE.
