6 BIFF members arestado sa Maguindanao

Anim (6) na miyembro ng Bangsamoro Islamic Freedom Fighters o BIFF ang arestado matapos ang pakikipagbakbakan sa mga sundalo sa bayan ng Datu Paglas, Maguindanao.

Kinilala ang mga nasakoteng sina Bastun Baguil, Mulawan Lagala, Agila Yusoph, Muslimin Lumenda, Macalam Salabah at Delamex Lumnah.

Ayon kay 33rd Infantry “Makabayan” Battalion Commander, Lt. Col. Harold Cabunoc, pinasok nila ang balwarte ng BIFF sa barangay Mangadeg sa tulong ng mga lokal na opisyal.

Gayunman, sinalubong sila ng mga bala na nauwi naman sa ilang minutong palitan ng putok hanggang sa magwagayway na ng puting tela ang mga bandido indikasyon ng kanilang pagsuko.

Wala naman anyang nasawi o nasugatan sa panig ng militar at teroristang grupo.

By  Drew Nacino

Comments

comments