Aprubado na ng National Economic and Development Authority ang 57.6 Billion Peso Subic-Clark Railway Project na magdurugtong sa Subic Bay Metropolitan Area, Zambales at Clark Freeport Zone, Pampanga.
Idurugtong din nito ang Subic Port sa Clark International Airport at iba pang major economic hubs sa Central Luzon tulad ng itinatayong New Clark City.
Ito ay joint project ng Department of Transportation at Bases Conversion Development Authority na bahagi ng 75 flagship projects ng Duterte Administration o Build, Build, Build Program.
Gayunman, kailangan pa itong aprubahan ng NEDA board ni pinamumunuan ni Pangulong Rodrigo Duterte.
Samantala, inaprubahan din ng Investment Coordination Committee-Cabinet Committee ang mas mataas na halaga para sa Metro Manila Subway Project Phase 1 na 356.96 Billion Pesos o mula sa dating 355.5 Billion Pesos.
Popondohan ito sa pamamagitan ng Office Development Assistance Loan Package ng Japan International Cooperation Agency.