Isinusulong ni Puwersa ng Bayaning Atleta Partylist Rep. Jericho Nograles ang pagkakasa ng imbestigasyon laban sa Transport Network Company na Grab.
Ito’y makaraang ibunyag ni Nograles ang 40 Pesos na hidden charges ng Grab maliban pa sa una na niyang nabisto na 2 Pesos per minute charge ng naturang TNVS.
Ayon sa mambabatas, aabot na aniya sa 100 Milyong Piso ang sobrang nasisingil ng Grab sa kanilang mga pasahero kada linggo dahil sa naturang hidden charges.
Malinaw naman aniya ang inaprubahang singilin ng Land Transportation Franchising and Regulatory Board sa Grab ay ang 40 Pesos base fare, dagdag na 10 hanggang 14 na Pisong dagdag sa kada kilometro at hanggang dobleng fare surge sa bawat kilometro.
