Ginising ng flashflood ang mga residente ng Pangasinan partikular ang mga bayan ng Mangataren, Bugalion, Aguilar at Mabini.
Ayon kay Melchito Castro, Direktor ng Office of the Civil Defense sa Region 1, nakatutok sila ngayon sa search and rescue operation sa mga sinalanta ng flashfloods.
Gayunman, hindi naman anya nila pinababayaan ang paghahanda para sa Ilocos Sur, Ilocos Norte at La Union dahil batay sa ulat, sa mga nabanggit na lalawigan patungo ang bagyong Lando.
“Kasi ang bagyo ay it is going north ano, kaya hindi pa rin kami kampante kasi dadaan pa ako ng Ilocos Sur, andiyan pa rin ang track sa Ilocos Sur sa Ilocos Norte pati na rin sa La Union, pero as of this time ay Pangasinan talaga ang medyo tututukan namin ngayon for the meantime, wala pa naman kasing reported incidents from other 3 provinces.” Pahayag ni Castro.
By Len Aguirre | Ratsada Balita