Patay ang tatlong (3) miyembro ng kidnap for ransom group matapos makipagbakbakan sa mga operatiba ng Philippine National Police (PNP) sa Barangay Kayquit, Indang, Cavite.
Ihahain sana ng mga pulis ang arrest warrant laban sa dating pulis na si PO3 Magdaleno Pacia subalit sinalubong sila ng putok ng mga tauhan nito.
Kabilang sa mga napatay ay nakilalang si Vence Venice alyas ‘Pigsa’ na sinasabing kanang kamay ni Pacia.
Samantala, napag-alamang wala si Pacia sa lugar nang dumating ang mga pulis.
Dating pulis ng Southern Police District si Pacia na nag- absent without (official) leave (AWOL) noong 2016 at luminya sa kidnap for ransom kung saan karaniwang binibiktima nila ay mga Chinese nationals.
