Nilabas na ng Ombudsman ang pangalawang suspension order laban kay Makati Mayor Junjun Binay at iba pang opisyal ng lungsod kaugnay ng pagkakasangkot nila sa umano’y maanomalyang konstruksyon ng Makati Science High School.
Ayon kay Attorney Claro Certeza, abogado ni Binay, mahina ang naturang kaso dahil sumailalim ang pagpapatayo ng paaralan sa maayos na bidding.
Dagdag ni Certeza, mag-aapela ang kampo ni Binay sa Court of Appeals.
Matatandaang inisyu ng Ombudsman ang unang suspension order kay Binay noong Marso dahil naman sa umano’y overpriced Makati City Hall Building II.
By Avee Devierte | Kevyn Reyes