26 katao ang naiulat na nasawi habang 15 iba pa ang patuloy na pinaghahanap kasunod ng pagbaha at landslide sa hilagang bahagi ng Vietnam.
Ayon sa Vietnam Disaster Agency, aabot na sa mahigit 940 bilyong dong o katumbas ng $41-M ang halaga ng pinsala dulot ng pagbaha.
Anila, apat na probinsya sa Vietnam ang matinding naapektuhan ng baha kung saan nasira ang mahigit 200 kabahayan, mga taniman at maging ang kanilang water system.