Animnapung bata kabilang ang 34 na bagong silang ang patay sa isang ospital sa Uttar Pradesh State, India dahil umano sa kakulangan ng oxygen supply.
Namatay sa neo-natal intensive care unit ang mga sanggol habang Encephalitis ang sanhi ng pagkamatay ng 12 pang bata at hindi naman matukoy ang dahilan ng kamatayan ng iba pa.
Gayunman, itinanggi ng pamunuan ng BRD Medical Center ang ulat na kulang sila sa supply ng oxygen kahit pa umatras na sa pagsusupply ang isang pribadong kumpanya dahil sa utang ng ospital.
Nilinaw ng management ng pagamutan na bumili naman sila ng supply ng liquid oxygen subalit nagmula sa ibang supplier ang mga cylinder.
