Patay ang dalawang takas na bilanggo matapos makipagbarilan sa mga pulis sa Rosario Cavite.
Agosto 9, nang makatakas sa detention cell ng PNP Rosario ang limang bilanggo na pawang nahaharap sa kasong may kinalaman sa illegal drugs.
Napag-alamang nakatanggap ng impormasyon ang mga pulis na nagtatago sa may ilog ng barangay Muzon Dos ang dalawa sa mga inmates kaya’t nagsagawa silang operasyon na nauwi sa palitan ng putok.
Nakilala ang mga napatay na sina Josefino Abad at Lyndon Bartolo samantalang patuloy ang manhunt operations sa tatlong iba pa na sina Cannymar Carinio, Frederick Legaspi at Ryan James Villanueva.
Una rito, isa sa limang inmates ang di umano’y nagpatay-patayan sa loob ng selda at nang buksan ito ng jail guard ay agad nila itong inatake at tumakas.
By Len Aguirre
