Labing-anim (16) ang patay habang nasa 100 ang sugatan sa pagsabog sa isang power plant sa Uttar Pradesh State, India.
Naganap ang pagsabog sa coal-fired power plant ng National Thermal Power Corporation sa Raebareli District.
Batay sa paunang imbestigasyon ng Indian Police, napuno ng abo ang pugon sa ilalim ng boiler na dahilan ng pagsabog.
Nagsasagawa na ng malalimang imbestigasyon ang mga awtoridad at inaalam na rin kung sino ang mananagot sa trahedya na maaaring makasuhan ng negligence o kapabayaan.
Madalas ang mga work-related accident sa india dahil sa kakulangan ng safety standards and regulations.
—-
