Labing isa (11) sa 14 na mga napatay na hinihinalang miyembro ng New People’s Army o NPA sa Nasugbu, Batangas ang kinilala na ng kanilang mga kaanak.
Gayunman, tanging ang bangkay pa lamang ng UP Manila student na si Josephine Lapira ang nakuha na ng kanyang mga kaanak habang patuloy pang pino-proseso ng ibang mga kaanak ng nasawi ang pagkuha sa bangkay ng kanilang mahal sa buhay.
Hindi na rin nagpagunlak ng panayam ang mga ito at sinabing magpapalabas na lamang ng pahayag ang isang miyembro ng militanteng grupo kaugnay ng insidente.
Samantala, nananatiling bantay sarado ang isa pang hinihinalang rebelde na si Victoriano Almario habang patuloy itong ginagamot sa isang ospital sa Batangas City.
Si Almario ang sinasabing drayber ng jeepney na isa sa dalawang sinasakyan ng mga hinihinalang rebelde na naka-engkwentro ng mga awtoridad noong Martes.
—-
