Naibalik na ang ABS-CBN News at ANC 24/7 channels ng Kapamilya Network matapos makipag ugnayan sa YouTube.
Ipinabatid ng TV network na mag a alas-4 ng hapon nang maibalik ang kanilang YouTube channels na una nang nasuspinde dahil sa hacking incident.
Sinabi ng ABS-CBN na patuloy ang isinagawa nilang imbestigasyon para hindi na maulit ang nasabing insidente lalo pa’t pursigido silang ihatid ang mga impormasyon sa taumbayan kaugnay sa epekto ng Bagyong Rolly.
Nagpasalamat naman ang ABS-CBN sa suporta at pang-unawa ng publiko.
