Inanunsyo ng Manila Water Company Inc. na makararanas ng water interruptions mula Marso 7 hanggang 9 ang ilang mga lugar sa Pasig City, Quezon City, at Manila.
Maaapektuhan ang ilang bahagi ng Quezon City Barangay Central, Bagong Simula at Barangay Tandang Sora, at Metro Manila partikular sa Sta. Ana, San Andres, at Paco, Manila.
Inaasahan din ang water interruptions sa ilang barangay sa Pasig City kabilang ang barangay Bagong Ilog at Ugong.
Nabatid na magkakaroon ng line maintenance operations ang Manila Water upang mapabuti ang serbisyo ng tubig ng kumpanya.
Samantala, pinapayuhan ang mga residente sa mga nasabing lugar na mag-ipon na ng tubig nang maaga upang mapaghandaan ang mga nakatakdang pagkaantala.—sa panulat ni Mara Valle
