Isa umanong patunay na buhay ang demokrasya at kalayaan sa Pilipinas ang isinagawang “Walk for Life” ng mga katoliko sa Quirino grandstand sa Maynila kahapon.
Ito ay ayon kay Presidential Spokesman Harry Roque matapos ang mapayapang pagtitipon na dinaluhan ng libu-libong katoliko upang makibahagi sa kampaniya kontra death penalty at Extra Judicial Killings.
Sinabi ni Roque na ang ganitong mapayapang pagkilos o paghahayag ng mga hinaing ay hinahayaan lamang ni Pangulong Rodrigo Duterte bilang kinikilala nito ang kalayaan sa malayang pamamahayag.
Dagdag pa ni Roque na bukas ang Pangulo sa mga konstruktibong kritisismo at mga kilos protesta basta huwag lamang may ibang mapu-purwisyo gaya ng pagdudulot ng mas lalong mabigat na daloy ng trapiko.
Ang Walk for Life ay kasabay din na isinagawa sa iba’t ibang lungsod sa bansa gaya ng Tarlac, San Pablo, Cebu at Cagayan de Oro.
Posted by: Robert Eugenio