Kanselado na ang lahat ng pasok sa mga pribado at pampublikong opisina sa San Jose Occidental Mindoro.
Ito ang inanusyo ng lokal na pamahalaan dahil sa pananalasa ng bagyong Ursula.
Ayon kay San Jose, Occidental Mayor Romulo Festin, maraming puno ang nabuwal na nakahambalang na sa mga kalsada.
Nariyan din ang mga natumbang poste ng kuryente kaya’t tiyak aniyang marami ang mahihirapang makabiyaheng residente.
Nakatakdang magsagawa ng clearing operation ang lokal na pamahalaan gayundin ang pamamahagi ng mga relief goods sa mga residenteng nasalanta ng bagyo.
