Kinumpirma ngayon ng Philippine Consulate sa New York City na walang Pilipino na nadamay sa pananagasa ng isang truck sa bicycle lane sa Manhattan, New York City.
Ayon kay Consul General Theresa Dizon De Vega, nakipag-ugnayan na sila sa New York Police Department at sa kasalukuan ay wala pang ulat na may kasamang Pinoy na biktima sa insidente.
Sa ngayon, nagpalabas na ang Philippine Consulate General ng abiso sa Filipino community na lumayo sa lugar na pinangyarihan ng pag-atake.
Umabot na sa walo katao ang nasawi nang araruhin ng isang pick-up truck ang mga nagbibisikleta at tumatawid sa Lower Manhattan habang 11 naman ang naitalang nasugatan.
—-
