Inihayag ng pamunuan ng Manila Electric Company (MERALCO) na tataas ang singil sa kuryente ngayong Agosto.
Ayon kay Joe Zaldarriaga, tagapagsalita ng MERALCO bunsod ito ng paggalaw ng presyo ng Wholesale Electricity Spot Market (WESM) at iba pang suppliers at retailers ng kuryente.
Hindi pa matukoy ni Zaldarriaga kung magkano ang actual na itataas na singil sa kuryente dahil hinihintay pa ang bill o bayarin nila mula sa WESM at iba pa nilang supplier.
Magugunita na ngayon buwan ng Hulyo ay tumaas sa P0.28 centavos per kilowatt hour (kwh) ang singil sa kuryente dahil sa production restriction ng Malampaya natural gas facility.
By Mariboy Ysibido