Umaasa si Vice President Sara Duterte na makapanunumpa ang ama at dating Pangulong Rodrigo Duterte bilang bagong Alkalde ng Davao City bago magsimula ang kanyang termino sa Hunyo 30.
Ayon sa Bise Presidente, hindi niya alam ang naging pag-uusap ng kanyang ama at abugado nito hinggil sa magiging proseso ng kanyang oath taking.
Kung hindi aniya ito matutuloy, magkakaroon ng acting mayor ang lungsod sa katauhan ng kanyang kapatid na si baste duterte na nahalal bilang Vice Mayor.
Sa kasalukuyan, naka-kulong pa rin ang dating pangulo sa The Hague, Netherlands kung saan hinaharap niya ang kasong crimes against humanity kaugnay sa madugong war on drugs ng kanyang administrasyon.
—sa panulat ni Mark Terrence Molave
