Hinimok ni Vice President Leni Robredo ang publiko na protektahan ang katotohanan hinggil sa martial law upang maiwasang maulit ang mga pang – aabuso na ginawa ng nakaraang administrasyon.
Ayon kay Robredo, mapanganib para sa sambayanan ang paglaganap ng mga kasinungalingan.
Kung hindi aniya tama ang pagkaka – alala sa nakaraan ay maaaring maulit ang mga pagkakamali lalo’t nagbabadya ang isa pang diktadurya.
Samantala, dakong alas – 2 kanina nang dumalo si Robredo kasama ang ilan pang miyembro ng LP o Liberal Party sa isang misa sa Parish of the Holy Sacrifice sa University of the Philippines (UP) Diliman ngayong National Day of Protest.
