Plano ng Commission on Elections na magsagawa ng evening voter registration bilang bahagi ng pagpapalawak ng Register Anywhere Program (RAP) para sa darating na Barangay at Sangguniang Kabataan Elections sa unang araw ng Disyembre.
Ayon kay COMELEC Chairperson George Erwin Garcia, isasagawa ang enhanced RAP mula 1 hanggang 11 ng Hulyo, na magbibigay-daan sa mga mamamayan na magparehistro kahit sa gabi.
Target ng poll body na makapagtala ng isang milyong bagong rehistrado sa loob ng labingisang araw.
Bukod sa mga bagong rehistrado, tatanggap din ang COMELEC ng aplikasyon para sa reactivation at transfer ng rehistrasyon sa nasabing panahon.
Ang voter registration ay isasagawa sa buong bansa maliban sa Bangsamoro Autonomous Region in Muslim Mindanao, na may nakatakdang parliamentary elections sa Oktubre a-trese.
—sa panulat ni Jasper Barleta
