Posibleng buwagin na ng Department of Justice (DOJ) ang umiiral na visa upon arrival o ang ipinagkakaloob na visa ng bureau of immigration sa mga dayuhang dumadating sa bansa.
Ayon kay Justice Secretary Menardo Guevarra, ang visa upon arrival ay isang konsepto para makahikayat ng mga dayuhan.
Sakali aniyang tanggalin ito, posibleng magkaroon ito ng epekto sa turismo.
Kaugnay nito, tiniyak ni Guevarra na kanilang pag-aaralang mabuti ang panukala upang walang maging pag-abuso dito.
Dagdag pa ni Guevarra, kinakailangan ding higpitan ng intelligence division ng bureau of immigration ang kanilang pagbabantay sa mga dayuhang pinagkakalooban ng visa habang pinag-aaralan ang mekanismo ng visa upon arrival.
