Hindi maunawaan ni Senador Panfilo “Ping” Lacson ang banta ng Pangulong Rodrigo Duterte na kanselahin ang Visiting Forces Agreement (VFA) sa Amerika.
Ayon kay Lacson, hindi rin nya makita ang koneksyon ng VFA sa kanselasyon ng U.S. visa ni Senador Ronald “Bato” Dela Rosa.
Ang visa aniya ay conditional authorization na ibinibigay sa isang nais na bumisitang sa isang dayuhang bansa kaya’t puwede itong kanselahin anumang oras na gusto ng isang bansa.
Samantalang ang VFA ay isang bilateral agreement na dumaan sa deliberasyon ng Senado bago pinagtibay kaya’t hindi ito basta-basta puwedeng ikansela.
Una nang sinabi ng pangulo na may isang buwan ang Amerika para itama ang kanselasyon ng visa ni Dela Rosa kung ayaw nitong makansela ang VFA.