Pinalawig ng Land Transportation Office ng 2 buwan ang validity ng mga student permit, driver’s at conductor’s licenses na mapapaso ngayong Enero hanggang Marso.
Ito, ayon sa LTO, ay dahil sa panibagong COVID-19 surge na maaaring maka-apekto sa operasyon ng kanilang mga branch.
Kahapon ay sumampa sa mahigit 17K ang panibagong kaso ng COVID-19 sa bansa at karamihan ay nasa Metro Manila.
Dahil dito, isinailalim muli sa Alert Level 3 ang National Capital Region, Bulacan, Rizal, Cavite, Laguna at 14 na iba pang lugar hanggang Enero a-15.
