Posibleng simulan na ng Amerika ang pagtatayo ng kanilang mga pasilidad sa Pilipinas na gagamitin sa ilalim ng Enhanced Defense Cooperation Agreement o EDCA.
Ayon kay Defense Secretary Delfin Lorenzana, posibleng sa Basa Air Base sa Pampanga simulan ng Amerika ang pagtatayo nila ng mga pasilidad.
Ilan pa sa mga kampo militar na tinitingnang pagtayuan ng pasilidad ng Amerika ay ang Antonio Bautista Air Base sa Palawan, Fort Magsaysay sa Nueva Ecija, Lumbia Air Base sa Cagayan de Oro at Mactan Air Base sa Cebu.
Hindi pa matukoy ni Lorenzana kung magkano ang ilalaang pondo ng Amerika sa pagtatayo ng kanilang pasilidad at kung kailan ito sisimulan.
By Jaymark Dagala
