Sisikapin ng Magnolia Hotshots na mapanatili ang unbeaten record sa PBA Governors Cup.
Hawak ng Hotshots ang kartadang 4 – 0 at tatangkaing ipako ang ikalimang panalo sa kanilang pakikipagsagupa sa NLEX Road Warriors, mamaya.
Gayunman, hindi makapagalaro ang starplayer ng Magnolia na si Calvin Abueva matapos magtamo ng injury.
Nasa injured list din sina Rome Dela Rosa at James Laput.
Aminado naman si Magnolia Coach Chito Victolero na hindi magiging madali ang laban lalo’t gutom sa panalo ang Road Warriors matapos ang dalawang sunod na pagkatalo. —sa panulat ni Mara Valle