Nakapagtala na ang lalawigan ng Batanes ng unang nasawi dahil sa COVID-19 kasabay ng pagtaas din ng mga naitatalang kaso roon.
Isang 70 taong gulang na lalaki mula sa Basco ang sinasabing pinaka-unang nasawi sa sakit dulot ng COVID.
Ayon sa Batanes Provincial Government, Setyembre 25 pa pumanaw ang pasyente sanhi ng acute respiratory failure secondary to pneumonia.
Sa kabuuan, pumalo na sa 424 ang aktibong kaso ng COVID sa Batanes matapos makapagtala naman ng 76 bagong kaso.
