Naging matagumpay ang unang araw ng voter’s registration para sa mga bilanggo sa New Bilibid Prison, Muntinlupa City.
Katuwang ng Commission on Election (COMELEC) sa naturang aktibidad ang National Movement for Free Elections (NAMFREL) na sinabayan din ng pagbibigay-edukasyon sa mga preso hinggil sa tamang pagboto.
Nagpasalamat naman si COMELEC Chairman George Garcia sa pamunuan ng Bureau of Corrections (BuCor) sa matagumpay at mapayapang registration.
Tiniyak din ni Garcia na gagawin nila ang lahat upang makaboto ang mga persons deprived of liberty sa national elections sa taong 2025, 2028 at mga susunod pang halalan. – sa panulat ni Hannah Oledan
