Ipinagmalaki ni Philippine National Police (PNP) Chief Director General Ronald Dela Rosa ang naging maayos na takbo ng pagbabalik ng Oplan Tokhang.
Ayon kay Dela Rosa, naging matagumpay ang pagbabahay – bahay ng mga pulis kung saan umabot sa limang daan at animnapo’t tatlo (563) ang sumukong drug personalities mula sa mahigit isang libong (1,000) magkakahiwalay na operasyon ng Oplan Tokhang.
Tatlongpo’t walong (38) drug personalities ang sumuko sa Metro Manila habang limangpo’t dalawa (52) ang sumuko sa iba pang panig ng bansa.
Umaasa si Dela Rosa na magtutuloy-tuloy ang magandang takbo ng mga ikakasa pa nilang Oplan Tokhang.
Una dito, inamin ni Dela Rosa na may mga pulis na umabuso na dating Oplan Tokhang.
Ito aniya ang dahilan kung bakit naglabas ngayon ng panibago at mas detalyadong guidelines ang PNP sa Tokhang.
Inamin din ni Dela Rosa na ang pagdadagdag ng guidelines sa Tokhang ay bunsod ng petisyong kinakaharap nila sa Korte Suprema.
PNP Chief Dela Rosa sa unang araw ng Oplan Tokhang: I’m satisfied, so far, so good. Wala tayong nakitang problema @dwiz882 pic.twitter.com/VvCEUQVO4E
— Jonathan Andal (@JonathanAndal_) January 30, 2018
