Pangkalahatang naging mapayapa ang unang araw, kahapon ng pilot implementation ng limited face to face classes sa isandaang public schools para sa basic education sa bansa.
Nagpasalamat ang Department of Education sa lahat ng mga nakibahagi, partikular sa mga guro at magulang na pumayag papasukin ang kanilang mga anak sa kabila ng Covid-19 pandemic.
Ayon sa DepEd, ang face to face classes ay isa sa mga hudyat ng ligtas na pagbabalik ng edukasyon matapos ang mahigit isa’t kalahating taon na kaliwa’t kanang lockdown dulot ng pandemya.
Kahit anila sarado ang mga paaralan simula noong Marso 2020 ay hindi tumigil ang mga school official sa paglalatag ng mga plano para sa pagbabalik ng in-person classes.
Kahapon ay tinatayang limanlibo dalawandaang estudyante ang lumahok sa pilot face-to-face classes sa isandaang public schools sa bansa. —sa panulat ni Drew Nacino
