Papalitan na ng bagong UMID ATM card ang regular na UMID card na ginagamit ng mga miyembro ng Social Security System (SSS).
Sa oras na magkaroon na ng UMID ATM pay cards, mas mabilis nang makakakuha ang mga SSS member ng benepisyo, loans at refunds.
Ayon kay SSS president at CEO Michael Regino, ang UMID paycard program ay sakto at makukuha ang benepisyo at loans ng mga miyembro sa tamang panahon.
Makatatanggap naman ng 200 pesos na Jollibee E-gift certificate at may tyansang manalo ng Mitsubishi Xpander mula sa Union Bank of the Philippines ang mga SSS member na kukuha ng card ngayon taon sa oras na ma-activate ang kanilang account na may 1,000 pesos deposit sa bangko.
Maglalabas din ng UMID pay card ang Rizal Commercial Banking Corporation (RCBC) sa unang tatlong buwan ng susunod na taon. –-mula sa panulat ni Hannah Oledan
