Naniniwala si Philippine National Police Chief Director General Ronald Dela Rosa na kakulangan sa sweldo ng mga jail guards ang isa sa dahilan ng paglaganap ng drug trade sa loob ng kulungan sa bansa.
Sa ika-22 founding anniversary ng Bureau of Corrections, sinabi ni Dela Rosa na dagdag sa sahod ng mga jail guards at iba pang tauhan sa mga piitan ang nakikitang niyang paraan para maging tapat sa tungkulin ang mga ito.
Dagdag pa ni Dela Rosa, paraan din ito upang mailayo sa tukso, pakikipagsabwatan at ang pagiging bulag sa mga iligal na gawain sa mga kulungan ang mga jail guard.
Dahil dito, inihayag ni Dela Rosa na sa kanyang pag upo bilang pinuno ng BuCor ay kanyang magiging prayoridad ang pagkakaroon ng umento sa sahod ng mga jail personnel.
