Kabilang ang isang Pilipina at kanyang Australyanong asawa sa 3,000 mga pasahero ng Diamond Princess Cruise Ship na naka – quarantine sa Yokohama Port sa Japan.
Sa huling bilang ng Japanese health ministry, 135 na sa mga sakay ng naturang cruise ship ang nagpositibo na sa 2019 novel coronavirus (2019-nCoV ARD).
Sumakay ang magasawa sa naturang barko noong January 20 para ipagdiwang ang kanilang 20th anniversary.
Ngunit nito lamang February 4 ang dapat sanang huling gabi nila sa cruise ay inanunsiyo ng kapitan na mayroong nagpositibo sa 2019-nCoV ARD na naging dahilan para isailalim sa quarantine ang buong barko.
Iniiwasan naman ng mag-asawa na lumabas sa kanilang kwarto upang maiwasan na mahawa at manatiling ligtas hanggang sa February 19 hanggang sa matapos ang quarantine.
