Walang nadamay na Pilipino sa nangyaring shooting incident sa Thailand.
Ito ang tiniyak ng Department of Foreign Affairs (DFA) kasunod ng naganap na pamamaril ng isang sundalo sa loob ng isang mall sa Nakhon Ratchasima province noong Sabado kung saan nasawi ang 29 katao.
Kinumpirma ng DFA na ligtas ang siyam na Pilipinong na – trap sa loob ng mall nang mangyari ang pamamaril.
Nagpahayag naman ng pakikiramay ang gobyerno ng Pilipinas sa Thailand lalo na sa mga naiwang pamilya ng mga biktima.
