Pinaniniwalaang nasawi ang ilang matataas na opisyal ng Islamic State makaraan ang isinagawang airstrike sa bansang Iraq.
Ayon sa report, nagsasagawa umano ng pagpupulong ang mga ISIS officials nang umatake ang puwersa ng Estados Unidos sa isang hindi tinukoy na bayan na nasa kanlurang bahagi ng nasabing bansa.
Bagama’t sa pahayag ng Iraqi Military, kabilang umano sa mga nasawi ang ISIS leader na si Abu Bakar Al-Baghdadi, pinabulaanan naman ito ng ilang residente at sources mula sa ospital malapit sa lugar.
Tumanggi namang magkumento sa nasabing ulat ng Iraqi Military ang Estados Unidos.
By Jaymark Dagala
