Nakatakdang magsumite ang NBI o National Bureau of Investigation sa DOJ o Department of Justice ng ulat kaugnay sa nangyaring pagkalas ng bagon ng MRT-3 noong Nobyembre.
Ayon kay Justice Secretary Vitaliano Aguirre, nagpapatuloy pa rin ang imbestigasyon ng NBI sa naturang insidente kung saan tinitingnan ang anggulong pananabotahe.
Hindi aniya maialis ang naturang anggulo dahil sa pagkawala ng black box ng humiwalay na bagon.
Bunsod nito, hiniling ng Department of Transportation na magsagawa ng malalimang imbestigasyon na siya naman inaksyunan ng DOJ.
Dagdag pa ni Aguirre layunin din ng imbestigasyon na ito na matiyak ang kaligtasan ng mga mananakay ng MRT.
