Binalaan ng Department of Health (DOH) ang publiko laban sa mga pekeng gamot sa COVID-19, tulad ng Molnupiravir, na pinagkalooban na ng food and Drug Administration (FDA) ng emergency use authorization (EUA) at compassionate special permit (CSP).
Ipinaalala ng DOH na ang Molnupiravir ay isang oral medication para sa mga pasyente na kumpirnadong COVID-19 positive, may mild symptoms at nasa edad 60 pataas, may active cancer;
Chronic kidney disease, chronic obstructive pulmonary disease, obesity, serious heart condition at diabetes.
Ayon sa kagawaran, ligtas at epektibo ang nasabing gamot kapag ginamit sa tamang pasyente at naibigay sa loob ng limang araw ng isang lisensyadong doktor.
Ang hindi tamang paggamit sa Molnupiravir ay magdudulot ng panganib lalo na kapag ginamit sa maling target population ng higit sa limang araw o mga pasyenteng walang COVID-19.
Nilinaw naman ng DOH na walang garantiya na ang mga nabibili o nabebentang Mulnopiravir sa mga hindi otorisadong mapagkukunan ay ‘genuine’ kaya’t maaari itong magdulot ng panganib sa mga consumer.
