Tiniyak ng Department of Health (DOH) sa mga residente sa Metro Manila na hindi matitigil ang pagbabakuna kontra COVID-19 sa panahon ng enhanced community quarantine (ECQ) simula Agosto 6 hanggang 20.
Paliwanag ni DOH Undersecretary Maria Rosario Vergeire, ang pagbabakuna ang armas laban sa delta variant kung kaya’t isa ito sa paiigtingin ng gobyerno kahit na nakasailalim sa ECQ ang rehiyon.
Ayon pa kay Vergeire, mahigpit na ipatutupad ang minimum public health standards sa mga vaccination site.
Dagdag pa niya, target ng mga lokal na pamahalaan sa Metro Manila na makapagbakuna ng 180,000 hanggang 200,000 indibidwal kada araw.
Siniguro rin ni Vergeire na magbibigay ng tulong ang ahensya sa isasagawang pagbabakuna ng mga LGU sa gitna ng ipatutupad na ECQ. —sa panulat ni Hya Ludivico