Umaabot na sa P80 milyong piso ang tulong pinansyal na naibigay sa mga pamilya ng SAF 44.
Ayon kay PNP acting Spokesman Chief Supt. Wilfredo Franco, ito ay mula sa Office of the President, PNP, NAPOLCOM, mataas at mababang kapulungan ng Kongreso at ng lokal na pamahalaan ng Dasmariñas, Cavite.
Sinabi ni Franco na maliban dito, makakatanggap din ng average na P27,000 pesos na buwanang pensyon ang pamilya ng mga kwalipikadong beneficiary, mula sa PNP at NAPOLCOM, maliban pa sa education scholarship para sa anak ng mga nasawing commando.
By Katrina Valle | Chris Barrientos (Patrol 21)
