Inirekomenda ni Cagayan Governor Manuel Mamba ang muling pagsailalim sa lungsod ng Tuguegarao sa modified enhanced community quarantine (MECQ) dahil sa pagsirit ng kaso ng coronavirus disease 2019 (COVID-19).
Nakikita, ani Mambang, na dahilan sa pagsirit ng kaso ng virus, ang local transmission o hawaan sa pagitan ng mga indibidwal na nakatira sa iisang bahay.
Bukod pa rito, nakikita ring dahilan ang pagtama ng Bagyong Ulysses dahil karamihan sa mga residente ang nagsilikas sa mga evacuation centers.
Kasunod nito, ani Mamba, dapat na mailipat sa mga isolation facilities sa probinsya ang mga naka-home quarantine sa ngayon para makaiwas sa posibleng pagkalat pa ng virus.
