Iginiit ni Senador Antonio Trillanes IV na ang mahihirap na Pilipino ang sasalo sa mga dagdag na buwis sa ilalim ng Tax Reform for Acceleration and Inclusion o TRAIN.
Ayon kay Trillanes, ito ang kanyang dahilan kung bakit bumoto laban sa pag-ratipika sa nasabing panukalang tax measure.
Giit ng senador, magbubunga ang TRAIN sa pagtataas ng mga bilihin, pamasahe, lpg at maging singil sa kuryente.
Dagdag ni Trillanes, sa ilalim ng Duterte administration, namamatay ang mga mahihirap kung hindi dahil sa tokhang ay dahil naman sa hirap ng buhay.
Bukod kay Trillanes, bumoto rin laban sa TRAIN sina Senador Panfilo Lacson, Risa Hontiveros at Bam Aquino.
(Ulat ni Cely Bueno)
