Wala pang naitatala ang National Capital Region Police Office o NCRPO na criminal activity na may kaugnayan sa Undas.
Ayon kay NCRPO Spokesperson Police Chief Inspector Kimberly Molitas nananatiling payapa ang sitwasyon sa mga sementeryo sa kalakhang Maynila.
Gayunman, nakakumpiska pa rin ang mga awtoridad ng iba’t ibang mga ipinagbabawal na bagay sa mga pumapasok ng sementeryo gaya ng mga bladed weapons, baraha at mga flammable objects.
Sa kabila nito, sinabi ni Molitas na mas kakaunti ang mga nakumpiskang ipinagbabawal na bagay sa mga sementeryo ngayong Undas kumpara noong nakaraang taon.
—-
