Hindi kumbinsido si Senador Antonio Trillanes sa ginagawang paglilinis ni Pangulong Rodrigo Duterte sa pamahalaan laban sa mga tiwaling opisyal.
Katwiran ni Trilllanes, maniniwala lamang siya sa kampanya kontra katiwalian ng Pangulo kung ipapakita nito mismo ang kanyang mga bank account na mayroon umanong bilyong ‘bank deposit’.
Giit ng mambabatas, baka sa bandang huli ay si Pangulong Duterte pa ang dapat alisin sa posisyon sa gobyerno sa ilalim ng ginagawang pagsibak nito sa mga opisyal na gumagawa ng irregularidad.
Una rito, sinabi ng Pangulong Duterte na mayroon siyang sisibaking ‘chairman’ ng isang ahensya ng pamahalaan gayundin ang nasa 70 police officials kabilang ang tatlong heneral.
(Ulat ni Cely Bueno)
