Pinalawig pa ng Hong kong government hanggang sa Abril a-20 ang travel ban sa Pilipinas at sa walo pang bansa kabilang na ang Australia, Canada, France, India, Pakistan, Nepal, UK, at US.
Ito’y sa harap ng patuloy na paglobo ng mga kaso ng COVID-19 sa Hong Kong.
Dahil dito, libu-libong Pinoy ang nananatili sa Pilipinas at hindi makabalik sa kani-kanilang trabaho bunsod ng mahigpit na protocols sa Hong Kong.
Ayon sa Overseas Filipino Workers o OFWs, baon na sila sa utang at malapit naring mapaso ang kanilang working visa.
Sa ngayon, mas lalo pang hinigpitan ng Hong Kong ang pagpapatupad ng restriksiyon sa kanilang bansa. —sa panulat ni Angelica Doctolero