Binigyang-diin ni Laban TNVS President Jun De Leon na may kakayahang mag-cancel ng booking ang mga driver ng Transport Network Vehicle Services.
Pero may kaakibat anya itong penalty tulad ng pansamantalang hindi paggana ng kanilang application at hindi makakatanggap ng pasahero.
Anya, kabilang sa mga nagiging dahilan ng pagkansela ng drayber ang malayong pick-up location na nagdudulot sa mataas na gastos sa gasolina.
Ipinaliwanag din ni De Leon na mayroong dalawang sistema sa pagtanggap ng booking: ang manual acceptance at ang auto-accept sa pagma-match sa booking ng driver at pasahero.
Iminungkahi ng grupo na magkaroon ng auto-accept option sa lahat ng T-N-C na naka-depende pa rin sa layo at magkaroon din ng fee para sa mga driver kapag susunduin pa lang nila ang pasahero.
