Ipatutupad ng pamunuan ng Philippine Military Academy (PMA) ang tinatawag na hybrid concept para sa kanilang taunang alumni homecoming ngayong taon.
Ayon kay PMA Spokesperson Maj. Cherryl Tindog, ito’y matapos payagan ng Inter-Agency Task Force (IATF) at ng Baguio City government ang pagtitipion na nagsimula kahapon.
Subalit limitado lamang ito ani Tindog sa tatlumpung porsyentong kapasidad ng akademiya kung saan, piling awardees ang maaaring makilahok habang ang iba naman ay sa pamamagitan ng zoom teleconference.
Kabinlang sa mga gagawaran ng cavalier awards ngayong taon ay sina Defense Sec. Delfin Lorenzana, Sec. Eduardo Año ng DILG, Sec. Rolando Bautista ng DSWD, Sec. Carlito Galvez ng OPPAP at AFP chief of staff Lt/Gen. Cirilito Sobejana.
Bibigyang parangal din ng Pma Alumni Association Inc. ng outstanding achievement award sina Philippine National Police (Pnp) Chief Gen. Debold Sinas, dating PNP Chief Camilo Cascolan.
Gayundin sina dating AFP chief of staff Gilbert Gapay, dating Army commanding general ngayo’y Philippine ambassador to Israel Macairog Alberto, TESDA Dir/Gen. Isidro Lapeña at Coast Guard Commandant Adm. George Ursabia.
Gagawin ang PMA Alumni homecoming sa Borromeo Field sa loob ng Fort Del Pilar sa Baguio City na magsisimula ganap na ika-siyam ng umaga.
